පුරුද්ද

පුරුද්ද කියන්නේ හරි පුදුම දෙයක්..

සමහරුන්ට නම් ජම්මෙට
වඩා පුරුද්ද ලොකුයිලු හැබැයි
චාලිට නම් එක පුරුද්දක්
දිගටම තියෙන්නේ නෑලු

පුංචි කාලේ පුංචි පත්තර
අරගෙන කියවන එක තමා
පුංචි චාලිගෙ ලොකුම පුරුද්ද

පුංචි පත්තර වල තියෙන
පුංචි ප්‍රහේලිකා පුරවන්න
පුංචි චාලි හරි ආසයි

පුංචි චාලි ලොකු වෙනකොට පුංචි පත්තර එපා වුනා
ලොකු වෙන චාලිගෙ පුරුදු තිබ්බේ ගමේ යාලුවෝ එක්ක
යාලුවො කරන ඕන මඤ්ඤං වැඩක චාලිත් හිටියා

මූණුපොත් අහස්පේ කුමකටද තිබියදී සිහින.......

මතකයි මට පුංචි කාලේ
ගුරු පාරෙන් බස් පාරට
පියා සමග ඇවිද ගියපු ඒ කාලය

මට මතකයි ඒ කාලයේ
තිබුනේ නෑනේ දුරකතනය
රුපියල් පහේ මුද්දරයට
ලියුම් යවපු ඒ කාලය

මට මතකයි ලොකු අම්මා
ලොකු එයාර් මේල් කවරයක
ලියුම් එවපු ඒ කාලය

මට මතකයි ඊට පස්සේ
අපේ ගෙදර මැද සාලෙට
තාත්තා ගෙනා දුරකතනය

මට මතකයි අපේ අම්මා
මහනුවරට, නුගේගොඩට
කතා කරපු දුරකතනය

ආතල් ගන්නේ අපි කවද්ද???????

පුංචි කාලේ අම්මා කිව්වා
ශිෂ්‍යත්වය ශිෂ්‍යත්වය
පාස් වුනොත් පුතා දිනුම්
ඊට පස්සේ ලොකු ඉස්කෝලේ
පාඩම් වැඩ කරදර නෑ
මෙය විතරක් පාස් වෙයන්

දහයෙදි ලොකු අයියා කෙනෙක්
ඇවිල්ලා පොර මෙහෙම කිව්වා
මල්ලියේ තව පොඩ්ඩයි සා/පෙට
ගොඩ දාපන් ඕක හොදට
ඊට පස්සේ ඒ ලෙවලුයි
පුල් ආතල් සාගරයයි

ඔන්න ඉතින් ගොඩ දැම්මා
ආවේ ඒ ලෙවල් වලට
ඔන්න ඉතින් මිස් කියාපි
වැඩ කරපන් පුතා හොදට
මේ අවුරුදු දෙක තමයි කට්ට
වාසිටියේ ගේමක් නෑ
ප්‍රොෆෙසර් උඹහට කියාවි
පේපරයට එන්නෙ මොනද

කැකිරාවේ අලි සහ මාලේ අලි

ඔන්න චාලියා කියන්න යන්නේ උණු කැවුම් වගේ කථාවක් මේක අපේ ෆැක්ටරියේ කොල්ලෙකුට ගිය සතියේ උනු ඇබැද්දියක්.

මම මේ කියන්න යන කතාවේ ඉන්න මල්ලි අපේ ෆැක්ටරියට බැදුනේ ලගදි. මෙයාව ෆැක්ටරියට ගත්තේ අපේ ප්‍රඩක්ෂන් එකේ ශාන්ත අයියා. ඒ හින්දා මෙයාට හැමෝම කිව්වේ පොඩි ශාන්ත කියලා. මිනිහා කැකිරාවේ එහෙම තමා ශාන්ත අයියා කිව්වේ. මේ ලගදි චාලි මහරගම කිව්වාට මහරගම ඔරලෝසු කණුව ලග නෙමේ කියලා හිරන්ත අයියා ඔප්පු කරලා හෙන නාඩගමක් නැටුව හින්දා චාලිත් ඇහුවා මිනිහා කැකිරාවෙමද කියලා. 

කැකිරාවෙම නෙමේලු කැකිරාවේ තමා ලගම සමුපකාරේ තියෙන්නේ. මිනිහා කලා වැව ගාවලු. ඒක එහෙමමද චාලි ඇහුවා නෑ එතන තමා ලගම පෝස්ට් ඔෆිස් එක. ඔන්න ඔහොම තව කිලෝ මීටර් 20ක් විතර ගිහින් තියෙන කඩයක් ගාවින් හැරිලා තව කිලෝ මීටර් ගානක් යන්න ඕන.ඒක වෙන්න ඇති ලගම කඩේ. මිනිහා අපි එයි කියලා බයට එහෙම කිව්වාද මන්දා. චාලි ඇහුවා ඉතින් ඔය පාරේ අලි එහෙමත් ඇති නේද කියලා. පිස්සුද? අපේ පැත්තේ කොහෙද බං අලි කොල්ලා එහෙම කිව්වා. අපිත් ඉතින් පිලිගත්තා වගේ හිටියා.

ඔන්න දැන් එන්නම් මම කියන්න යන කතාවට

ටූනාලන්තෙ වෙඩිම ජයටම

ඔන්න ඉතින් කට්ටියට මතක ඇතිනේ ගිය සතියේ ටූනාලන්තෙ වෙඩිමට යන්න චාලි ඇතුලු පිරිස ලෑස්ති වෙච්ච විදිහ .

ඔන්න ඉතින් 28 වෙනිදා තමා මේ කියාපු වෙඩිම තිබ්බේ. රාත්‍රී 8.30 ඉදන් 10.30 දක්වා කියලා තමයි කාඩ් එකේ දාලා තිබ්බේ. චාලි ඉතින් පුරුද්දක් විදිහට ඔෆිස් යෑමට හැර අනිත් හැම වැඩකටම පොඩ්ඩක් වෙලාව වැඩිපුර තියලා තමයි ලෑස්ති වෙන්නේ. ඔන්න චාලි ඔය පුරුදු විදිහටම ඉතින් 6.15 ට විතර ඕෆ් වෙලා කාමරේට ගියා. ඊට පස්සේ වොශ් එකක් එහෙම දාලා ඇදුම් මැදලා සපත්තුත් පොලිශ් කරලා වරුණගේ සහ සිවා අයියාගේ කාමර වලට තට්ටු කර බැලුවා අද වත් වෙලාවට ලෑස්ති වෙලාද කියලා.

මොන පිස්සුද දෙන්නාටම නින්ද ගිහිල්ලා. ආය කාමරේට ගිහින් හෙමීට ලෑස්ති වුනා. දෙන්නාව එලියට ගන්න කොට අටයි කාලත් පහුවෙලා. තුන් දෙනාටම ඕන වුනේ කොහොම හරි 8.30 ෆෙරි එකේ යන්න මොකද වෙඩිම තිබ්බේ මාලේ හෝල් එකක ඉතින්  අපි ඉන්න හුලුමාලේ ඉදන් ෆෙරි එකක තමයි මාලේ යන්න ඕන. එලියට බහින්න හම්බ වුනේ නෑ අපි දන්න කියන සුරංග මානවඩු ආවා එයාට ලගදි එංගලන්තෙ ඉන්න බාප්පා එවපු කැමරාවකුත් අරගෙන. ඔන්න ඉතින් මිනිහාගේ වදෙන් බේරෙන්න බැරිකමට චාලි ඇතුලු පිරිස පෙනී සිටියා එකම එක ෆොටෝ එකකට. ඒත් ඉතින් ටැක්සිය ෆෙරි ටර්මිනල් එකට යනකොට 8.30 ගිහින් ඔන්න සෙට් එකම නැග්ගා 8.45 ෆෙරියේ බලාගෙන යනකොට අපි විතරක් නෙමේ පරක්කු. මනමාලිගේ අම්මාත් ඉන්නවා ඒ ෆෙරියෙම.

එකක් කියන්න ඕනෙ ටූනාලන්තෙ මිනිස්සු ගැන අර දීපාල් සිල්වාගේ සින්දුවක් තිබුනේ උන් 7 කියන්නේ 8 ට පුතේ කියලා. ඔන්න ඕක ටූනාලන්තෙ මිනිස්සුන්ගේ පැත්තෙන් ගත්තොත් වෙනස් වෙනවා මේ විදිහට උන් 7 කියන්නේ 9.30 ට විතර පුතේ කියලා. හැබැයි ඉතින් ඕකත් වෙනස් වෙනවා ෆෙරි වලටයි බස් වලටයි එනකොට මොකද උන් 7 කියන්නේ 6.59ත් නෙමේ 7.01 ත් නෙමේ 7 ම තමා.

දික්කසාදයක පලමු පියවර

චාලිව බලන කට්ටිය දන්නවා ඇතිනේ ඉතින් දික්කසාදය කියන්නේ මොකක්ද කියලා. නොදන්න අය නම් හිතයි කසාදය දික් වෙන එක කියලා. දන්න අය ඕකට කියන්නේ කසාදය කටු ගානවා කියලා. සිංහලෙන් අපි කියන්නේ ඩිවෝස් වෙනවා කියලා. පොශ් විදිහට කියනවා නම් ඒගොල්ලෝ දැන් සෙපරේට් වෙනම ඉන්නේ. ඔය දික්කසාදයක පලමු පියවර මොකක් කියලාද ඔය ගොල්ලෝ හිතන්නේ. වලං මුට්ටි පෙරලගෙන ගහ ගැනීම? සැමියා බීලා ගෙදර පැමිණීම? ඔව් ඉතින් ඔය කියපුවත් එක එක පියවර වල් තමා හැබැයි ඉතින් දික්කසාද වෙන්න ඉතින් කසාද බැදලා ඉන්න එපායෑ නේද? ඒ හින්දා  ඉතින් දික්කසාදයේ පලමු පියවර වෙන්නේ කසාද බැදීම කියලා තමා චාලිට හිතෙන්නේ.

ඔය ගොල්ලෝ දන්නවද දන්නේ නෑ අපි මේ ඉන්න ටූනාලන්තෙ තමා ලෝකේ දික්කසාද අනුපාතය වැඩිම රට.සංඛ්‍යාත්මකව ගත්තොත් 10% ඒ කියන්නේ කසාද දහයක්  සිද්ද වුනොත් ඉන් එකක් ඉවර වෙන්නේ දික්කසාදයෙන්. 

ඔන්න අටුවා ටීකා ටිප්පනි කියලා ඉවරයි. දැන් බහින්නම්කෝ කතාවට. චාලි දැන් ටූනාලන්තෙට ඇවිල්ලා අවුරුදු තුනකුත් ඊයේ පෙරේදා ඉවර උනා. ඒත් චාලිට ගිය සතියේ තමා ටුනාලන්තෙ වෙඩිමකට එන්න කියලා ඇරයුම්පතක් ලැබුනේ. චාලිට ඇරයුම්පත දුන්නේ ඔෆිස් එකේ ඉන්න දොන් හියාලා කෙනෙක්. දැන් මේ ඇරයුම්පත ලැබුනත් හරි චාලිට ප්‍රශ්න ගොඩයි. ටූනාලන්තෙ වෙඩිමකට මීට කලින් ගිහිල්ලත් නෑ. මොනවද අරන් යන්නේ?  මොනවද ඇදගෙන යන්නේ? ඒ සේරටම වඩා චාලි ආසාවෙන් හිටියේ මොනවද ටූනාලන්තේ මංගල චාරිත්‍ර කියලා බලාගන්න.

අදුරු සළු අතරින්

මාලේ පාරක
තනිවූ මොහොතක
අදුරු සළු අතරින්
මා දුටු දෑසක්

ඒ දෑසේ කතාව
ලොවට කියන්නට
විවර කරනු මැන
ඔබගේ හදවත්

මාලෙට නිදහස
ලැබුනේ අද වැනි දින
බුර්කාවෙන් නිදහස
කෙදිනද ඈ හට...........